Doding Haleluya Digital

66. Ija ma Nani Sorodmin

Doding Parpuhon ni Tuhan Jesus

Es = do

1. Ija ma nani sorodmin nuan o hamateian? Ija ma hamonanganmin nuan nagori toruh? Na talu do hanima le, ai talu do sibolis pe, Ai italuhon Jesus.
2. Marbois gogoh ulog in, mangimbang Puanglima. Talu homa do jombutnin, tontong ibaen Tuhanta. Ambihulni ipagut pe, ai lanjar seng ra monang be, Marosak do uluni.
3. Manggoluh na dob matei in, tutupan iruntaskon. Igari do munsuh-Ni in, taban-Ni bobahon. Tor ise na mangasup be, manlawan Puanglima in, Na so tarbaen lang monang?
4. Manggoluh do Tuhanta in, ai puho hun tanoman. Itogu do pagori-Nin hu bani hagoluhan! Seng tading bai tanoman in, ganupan na porsaya in, Bai Hata ni Tuhanta.
5. Ai barang ise na bujur paubahkon uhurni. Na mangondoskon in botul bai Jesus in uhurni. Ai Jesus do hasomanmin manjal hagoluhan in, Sadokah ni dokahni.
6. Marmalas uhur hita on bai ari parpuho on; Ai tuah na i tanoh on, i suraga gok jaloon. Ijon mangarap do hape, ija pe idahonta bei, Usih bai Jesus hita.
7. O hamateian, talu ma! Talo homa, sibolis! Nagori toruh, talu ma, in do na dob tartulis. Napunji Naibatanta in, ibaen hamonanganta in Marhitei Tuhan Jesus.