Doding Haleluya Digital

62. Jesus Ham do Bah Tubuhku

Doding Parmatei ni Tuhan Jesus

As = do; BL 185

1. Jesus ham do bah tubuhku, sipagoluh tonduyhin. Ai ibunuh Ham munsuhku in ma hamateian in. Ham manaron hamagouan, pasirsirhon hagoluhan. Halanin hupuji Ham sai marribu hali tong.
2. Habileion, apas-apas, lansat ampa tijur pe. Tali pakon tompa-tompas itaronkon Ham hape. Paluahkon au na sombuh humbai tangan ni sibolis. Halanin hupuji Ham sai marribu hali tong.
3. Bai gurung-Mu in do ugah sanggah hona lonsing in; Parmalum ni ganup ugah na bai uhurhin do in. Ham do jadi binuraan, au dapotan hagoluhan. Halanin hupuji Ham sai marribu hali tong.
4. Ranting duri igotongkon bani simanjujung-Mu. Janah tolong ilipatkon lao pamarsik ulu-Mu. In itaron Ham Tuhanku marhalahon ni dousangku. Halanin hupuji Ham sai marribu hali tong.
5. Tangan ampakon nahei-Mu itolpusi paku in. Jadi tiris ma daroh-Mu roh humbai parsilang in. In bah tubuh paridian bangku jolma na boritan. Halanin hupuji Ham sai marribu hali tong.
6. Goran-Mu ma sai hupuji halani boritni in. Daroh-Mu pe huhargai na binerehon-Mu in. Pasaloseihon dousanami, ulang magou be hanami. Ham hupuji halanin sadokah-dokahni in.