Doding Haleluya Digital

291. Na Botoh Dohor ni Ajalhu?

Doding Pasal Ajal Ni Jolma

Es = do; BL 111

  1. Na botoh dohor ni ajalhu? Aringku lao bodari roh. Ai ambit roh sompongtingkingku parpudi in, na botoh do? Jesus Jesus ibahen daroh-Mu in pasonang Ham parmateihin.
  2. Gati legan bai bod ni an marimbang bai sogod ni in; Ai sanggah au ijon mansari sai tong jagaon ajalhin Jesus, Jesus, ibaen daroh-Mu in, pasonang Ham parmateihin.
  3. Ajari Ham au, o Tuhanku lao mamingkiri ajalhin; Singatkon Ham ma bai uhurhu parmatei-Mu o Jesuskin. Jesus Jesus ibahen daroh-Mu in pasonang Ham parmateihin.
  4. Urupi Ham au pasirsirhon langkahku na i tanoh on; Paingat Ham au mamberehon Bamu, Tuhanku, uhurhon. Jesus Jesus ibahen daroh-Mu in pasonang Ham parmateihin.
  5. Lambin masihol au hu surga tundalhononku tanoh on. Sai huparayak dompak surga sadokah au i tanoh on; Jesus Jesus ibahen daroh-Mu in pasonang Ham parmateihin.
  6. Sai sasap Ham ganup dousangku marhitei-hitei daroh-Mu. In ma hubaen gabe hiouhu marayak hasonangan in. Jesus Jesus ibahen daroh-Mu in pasonang Ham parmateihin.
  7. Padihut au Bamu, o Jesus, uhurhu tong bai uhur-Mu; Huja pe Ham sai tong au dihut ijon age i surga-Mu; Jesus Jesus ibahen daroh-Mu in pasonang Ham parmateihin.
  8. Age sompong roh hamateian sadarion ge patar pe; Seng habiaran be tanoman dob Jesus rupeihin hape; Jesus Jesus ibahen daroh-Mu in pasonang Ham parmateihin.
  9. On pe sonang ma au manggoluh, matei pe au sonang Hubotoh ipagoluh Jesus au humbai hamateiankin; Jesus Jesus ibahen daroh-Mu in pasonang Ham parmateihin.

Choral Buch 220, J.B.V Buttstedt, 1744