Doding Haleluya Digital

262. Puho Ho o Tonduyhin

Doding Paruntolon

Es = do; BL 122

1. Puho ho o tonduyhin, puho lao martonggo Ase ulang munsuhmin, roh na so binotoh Akal ni setan in do manipu jolma paruhur na bonar
2. Puho ho na modom in, na ibagas dousa Ase ulang halaniin ho marutang hosah Ai sompong, tor julnong, roh ma parlajouan bai na so marjaga
3. Puho, ai na so tarbaen Tonduyni Jahowa mamorangi ho, mambaen sirang humbai dousa? Ningon do puho ho, ase bereon-Ni dear ni layak-Ni
4. Puho, jaga uhurmin, ulang ikahouhon Hisap ni uhurmu in, janah italuhon Gijang ni uhur in gatian marhala pangalopan salah
5. Sai martonggo ho gogoh, ase saud maluah Humbai dousa haganup, ase ho martuah Jesus do na gogoh, na boi manaluhon haganup pangagou
6. Halaniin sai dilo ma Goranni Tuhanta Na binaenni Naibata parsigantunganta Teleng do dompak ho pinggol ni Jesusmu saud na pinindomu
7. Halanin, totap ma da sai martonggo hita bai Bapanta Naibata na i nagori atas Lambin do sai dohor parroh ni Tuhanta manguhumi jolma