Doding Haleluya Digital

176. Girah do Roh Ajalhu

Doding Pasal Ajal Ni Jolma

G = do; BL 65

1. Girah do roh ajalhu, lao masuk hu rumahku, hu hasonangan in. Ganup amang inang-ku, seng bulih tangisanmu, Au na marayak surga in.
2. Pondok tongon umurhu, tarsulur do rupeihu ibere Naibata. Seng roh be naboritku, seng tubuh be horungku, malas ni uhur mando da!
3. Na dong ibere Tuhan madokah au marsaran ipartangisan on. Ai anggo matei diri, bai haposoon diri, malas ni uhur in tongtong.
4. Ai lang be kahuaon ni ganup hajahaton na i dunia on. Tor ise ma manosak ganup na sonang mulak, hu hasonangan na tongtong.
5. Ijia megah lobei ham manonggor parlahouni dakdanakmu on. Nuan tongon marhoru do ham ibaen anakmu, na masuk hu tanoman on.
6. Padirgakma ulumu, sai tatap ma Bapamu, sai tunduk nasiam. Bai ganup pambahen-Ni; ai tong do in mararti., ase tarapoh nasiam.
7. Ibotoh Naibatanta na boi hagoluhanta, sitongoson-Ni in. Sagala na dob masa ibotoh Naibatanta, sai na madear ujungnin.
8. Ai roh do ham magira mangidah au i surga, marhiou na lopak, marrudang hagoluhan mamahei hamonangan; ijin ma use in talar.
9. Ijin ma pujionmu rap pakon au anakmu Tuhanta Jesus in. Sai hadearhon ham ma ganupan pambahenan ni Naibata Bapanta in.