Doding Haleluya Digital

164. Sol Modom ma Ganupan

Doding Bodari

G = do; BL 65

1. Sol modom ma ganupan, na loja na ngayotan, i dunia on. Ham da ale tonduyhu, pasangap ma Tuhanmu, na manarihon ham tongtong.
2. Ale mata ni ari, huja do ho sonari, iayak borngin ho? Golap pe haganupan ididah mata nuan, bai Naibata lihar do.
3. Age pe golap ari, dong ope sada nari napasiangkon au; In ma Jesus, Tuhanku, marian bai uhurhu; Lang be tadingkon-Ni au.
4. Ai salpu ma na siang, lihar do ganup bintang i awang-awang in. Usih sonin ma ahu ilambungni Tuhanku, dob hutadingkon tanoh on.
5. Lao modom au sonari, hiouhu hugantihi, huingat ma ijin; Lao salpu do goluhku, hiouhu jaloonku, pinasirsir ni Jesus in.
6. Ham ma paherbang tangan, Ham Jesus hamegahku, ondingi hanai on. Roh setan lao mamorang, malekat-Mu manorgang, seng bulih dohoranni au.