Doding Haleluya Digital

129. Ai Jumpah Au na Holong Atei

Doding Haporsayaon

G = do; 3 ketuk

1. Ai jumpah au na holong atei, au na tarbuang in hinan. Jesus Tuhan parholong atei hubangku na kahou hinan. Nuan hutanda Tuhankin, parholong atei banggal in, parholong atei banggal in.
2. Halani buei ni dousangku, sai hona uhum au tama; Hape roh Jesus ipadomu au use pakon Naibata. Madurus do daroh-Ni in, mambahen pardomuan in, mambahen pardomuan in.
3. Ai holong ni atei do hansa sipangusagahonkon in. Sipujionku do Jahowa dob roh na papangkeihon in. Tongtong malas do uhurhin, mamuji holong atei in. mamuji holong atei in.
4. Ai anggo in seng taragouhon baenon ni na itanoh on. Sai holong-Mu huunsagahokon, bani tonggoku pe tongtong. Totap uhurhu matei pe, mardingat layak-Mu hape, mardingat layak-Mu hape.
5. Ai pe, ale Tuhan Jahowa, ulang be buat holong-Mu. Boan ma au, alo Naibata, dob matei au hu lambung-Mu. Sai malas uhurhin ijin, mamuji holong atei in, mamuji holong atei in.